Job Description
Seksjonsleiar lege, Radiologisk avdeling
Stillingstittel Seksjonsleiar lege, Radiologisk avdeling Helse Bergen
Ønsker du ei leiarrolle i eit av dei mest avanserte radiologiske fagmiljøa i Noreg?
Vi søker ein seksjonsleiar lege med sterk fagleg forankring og gjerne med leiarerfaring for å vidareutvikle vårt høgt spesialiserte fagmiljø.
Om avdelinga:
Radiologisk avdeling er ei av dei største i landet, og avdelinga utfører eit breitt spekter av diagnostiske undersøkingar og intervensjons- og behandlingsprosedyrar.
Vi tilbyr avansert biletdiagnostikk innan nukleærmedisin og radiologi for mellom anna områda nevroradiologi, muskel- og skjelettradiologi, onkologisk biletdiagnostikk, thorax- og abdominal radiologi, brystdiagnostikk, barneradiologi og intervensjonsradiologi. Legar tilsett ved PET-senteret og Brystdiagnostisk senter (BDS) har eigen leiar, alle andre legar ved avdelinga vert leia av Seksjonleiar lege.
Avdelinga har ei sentral rolle i sjukehuset si tverrfaglege pasientbehandling og samarbeider med Universitetet i Bergen og Høgskulen på Vestlandet om forsking og utdanning av legar og radiografar.
Avdelinga har om lag 340 tilsette, deriblant om lag 88 legar, inkludert LIS-legar. Legane samarbeider tett med radiografar, fysikarar og anna helsepersonell. Vi har moderne utstyrspark som inkluderer MR, CT, PET, ultralyd og røntgen/intervensjons-diagnostikkrom. Avdelinga og avdelinga si forskingseining (MMIV) er ein leiande aktør innen radiologisk forsking og i implementering av kunstig intelligens (KI) i biletdiagnostikk.
Arbeidsoppgåver
- Ansvar for å sikre ei trygg og ansvarleg radiologisk verksemd i tråd med sjukehusets og avdelingas til ein kvar tid gjeldande behov og ramme
- Sikre fagleg leiing og utvikling av avdelinga innanfor gjeldande økonomisk ramme i tråd med sjukehuset sin strategi
- Personalansvar for overlegar og fagleg rettleiing for LIS-legar ved seksjonen i samarbeid med assisterande seksjonsleiar lege. Sikre forsvarleg medisinsk drift og optimal og effektiv pasientflyt
- Bidra til utvikling av nye diagnostiske metodar og vidareutvikling av KI-verktøy og digitale løysingar
- Tverrfagleg samarbeid med kliniske avdelingar for å optimalisere diagnostiske tenester
- Delta i forskings- og innovasjonsarbeid innan radiologi
- Overordna ansvar for utdanning og kompetanseutvikling i avdelinga
- Representere avdelinga i relevante faglege og administrative forum
Vi ser etter ein fagleg sterk og engasjert leiar med følgjande kvalifikasjonar
- Spesialist i radiologi med norsk autorisasjon
- Erfaring med organisering av radiologiske tenester
- Gode evner til strategisk tenking, samarbeid og kommunikasjon
Det er også ønskeleg at søkar har erfaring eller kjennskap til:
- Leiing eller sterk interesse for leiarutvikling
- Forskingsarbeid med gjennomført PhD
- Kvalitetsforbetring og innovasjon
- Ressursstyring, arbeidstidsplanlegging, økonomistyring og bruk av kunstig intelligens i radiologi
Vi oppmodar òg deg som ikkje har lang leiarerfaring, men som har stor motivasjon for leiarutvikling og engasjement for faget, til å søke.
Personlege eigenskapar
- Evne til å motivere og utvikle medarbeidarar
- Gode evner til strategisk tenking, kommunikasjon, samarbeid og økonomistyring
- Høg gjennomføringsevne og strukturert arbeidsstil
- Sterke samarbeidsevner og evne til å bygge relasjonar
- Evne til å handtere endringsprosessar med tryggleik og profesjonalitet
Vi tilbyr
- Ei sentral leiarrolle i ei av dei mest avanserte radiologiske avdelingane i landet
- Moglegheit til å påvirke fagfeltet gjennom leiing, utvikling av drifta, innovasjon og forsking
- Eit sterkt leiarteam og god administrativ støtte
- Konkurransedyktige pensjons- og forsikringsordningar
- Eit inkluderande arbeidsmiljø prega av samarbeid og fagleg utvikling
- Bli ein del av vårt sterke fagmiljø – vi ser fram til å høyre frå deg!
Vi oppfordrar alle søkarar til nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Kontaktinformasjon
Ingfrid Helene Salvesen Haldorsen,Avdelingsdirektør, ,
Arbeidsstad
Haukelandsveien 22
5021BERGEN
Nøkkelinformasjon:
Arbeidsgivar: Helse Bergen HF
Referansenr.:
Stillingsprosent: 100%
Fast
Søknadsfrist:
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
#J-18808-LjbffrReady to apply for this position?
Apply directly through the official application portal.