Home › Jobs › Norge › Vi søker kommunepsykolog - Åhtsåp suohkanpsykolåvgåv
🇪🇺 Norge • Permanent

Vi søker kommunepsykolog - Åhtsåp suohkanpsykolåvgåv

🏢 hamaroy 📍 hamarøy 💰 kr700 - kr900 📅 18 November 2026

Job Description

Sidá gus Hábmera viesádij psykalasj varresvuodav nannit ja sidjij árra viehkev fállat?

Hábmera suohkan - Hamarøy kommune åhtså doajmmelis suohkanpsykolåvgåv 100 % stuoves virggáj. Åhtsåp doajmmelis suohkanpsykolåvgåv guhti l fáhkan nanos ja sihtá viehkedit åvddånahttet buorre, kultuvrrahiebaduvvam psykalasj varresvuodadievnastusájt majda l álkke bessat. Suohkanpsykolåvggån sjatta ájnas resurssan suohkana álmmukvarresvuodabargon, ja galga sihke hierediddje bargov ja giehtadallambargov barggat.

Miján besa ájnas rievddamav dahkat bájkálasj sebrudagán gånnå lahkavuohta viesádijda, fágajgasskasasj aktisasjbarggo ja sáme giela ja kultuvra árvvon adnem li guovdátjin. Besa aktidit viesádij njuolgga tjuovvolimev hierediddje bargujn ja suohkana dievnastusáj åvddånahttemijn.
Virgge l tjadnum psykalasj varresvuoda ja gárevselgaj åssudagáj. Dån barga suohkana dievnastusáj rastá ja duon dán álldarajuohkusij, sihke systiema dásen ja aktugasj tjuovvolimijn.

Dån barga lahka aktisasjbargon ietjá fáhkajuohkusij ja fállá konsultasjåvnåjt, bagádallamav ja máhtudakåvddånahttemav. Gárevselgaj gássjelisvuodaj ja psykalasj varresvuodavájvij hieredibme, árra doajmma ja fálaldagáj åvddånahttem, majda l álkke bessat, li guovdátjin bargon. Unna suohkanattjan li oanes gasska fáhkabirrasij gaskan ja la lahka mierredimijda.

Miján besa vájkkudit gåktu åvddånahttep ja organiserip fálaldagáv viesádijda.

Sidá gus målsudahkes barggoárggabiejvev gånnå besa adnet ietjat psykolåvggåmáhtudagáv sihke ulmutjij æjvvalimijn ja dievnastusáj åvddånahttemijn? De sihtap ávon dujsta gullat.

  • Viehkedit psykologijjafágalasj máhtudagájn varresvuodastasjåvnån ja skåvllåvarresvuodadievnastusán.
  • Fállat individuála konsultasjåvnåjt ja tjuovvolimev oanep ájggáj.
  • Fállat mánájda, nuorajda ja ållessjattugijda ságastallamfálaldagáv masi l álkke bessat.
  • Oassálasstet fágajgasskasasj aktisasjbargguj duola degu psykalasj varresvuoda-ja gárevsælggadievnastusájn, dåktårdievnastusájn, mánájsuodjalusájn ja ietjá varresvuoda-ja huksodievnastusáj.
  • Åvddånahttet vijddábut fálaldagájt majda la álkke bessat ja juogosfálaldagájt aktisasjbargon dievnastusáj.
  • Nannit barggij máhtudagáv åhpadime ja bagádallama baktu.
  • Oassálasstet fáhka- ja dievnastusåvddånahttemij, suohkana álmmukvarresvuodabargguj ja psykososiála hiehtebargguj.
  • Oassálasstet fágajgasskasasj juohkusijda ja aktisasjbargguj sierratjiehppevarresvuodadievnastusájn.
  • Barggat systiema dásen bajássjaddama, varresvuoda ja álmmukvarresvuoda suorgijn.
  • Sávadahtte l guoskavasj barggovásedibme ja vásedibme åvddånahttembargos. Psykolåvgå gejn la spesialisstamáhtudahka ja psykolåvgå gudi li spesialiserimin ávttjiduvvi aj åhtsåt.
  • Nanos guládallamtjehpudagá dárogielan, tjálalattjat ja njálmálattjat.
  • Dåhkkidum politijjaduodastus viertti vuoseduvvat åvddål gå virggáj álggá.
  • Barga iesjrádálattjat ja struktuvralattjat ja máhtá dahkamusájt vuorodit.
  • Dagá luohtádusáv ja barga buoragit aktan viesádij, lagámusáj ja barggoguojmij.
  • Berus hierediddje bargos ja árrat álgadum dåjmajs.
  • Álgada buoredimbargov ja tjuovvu bargov ájádusás tjadádibmáj.
  • La hiebadahkes ja gávnná buorre tjoavddusijt aktan iehtjádij.
  • Målsudahkes virgev mij vaddá máhttelisvuodav vájkkudit suohkana dievnastusáj fágalasj åvddånibmáj.
  • Máhttelisvuodav barggat sáme kultuvrrabirrasin.
  • Bálkáv ja virggeævtojt doajmme lágaj ja sjiehtadusáj milta.
  • Bálkáv ja virggájbiejadimev doajmme tariffa, lágaj ja sjiehtadusáj milta.
  • Sjiehtadusáv bálkálasj friddjaájgge lásjmudallamij: gitta avta tijmma vahkkuj åvddål gå 60 jage dævdá ja guokta tijmma vahkkuj 60 jage dievddema rájes. Jus ij la máhttelis hárjjidallamij friddjaájgev sjiehtadit, de barggáj fáladuvvá lahkev hárjjidallamdivudis mákset.

Nordlánda fylka nuorttalin gávna Hábmera suohkanav, sierraláhkáj tjáppa luondojn ja buorre máhttelisvuodaj hávsskes ålggoiellemåtsådallamij jagev birra.

Hábmer vuorot álmmukvarresvuodabargov ja barggá dan åvdås jut mánájgárde ja skåvlå galggi varresvuodav nannit. Mihá lip gå Nuortta-Sálto joarkkaskåvlån la sierralágásj nasjåvnålasj ålggoiellemlinnja, akta skåvlå moattet oahppofálaldagás. Vissjalis siebre ja organisasjåvnå viehkedi…? ­

Iellem la ienep gå barggo, ja Hábmerin oattjo ienebuv. Ienep ájgev. Ienep sajev. Ienebuv juohkka diŋgas.

Mav javla mánnodihpetuvra birra Ulbasjvágeskárde láhttojn? Káffagåhppå Kafé Sult kafedjan, Hámsunguovdátjin mij la bálkáv oadtjum? Gievra dájddamuossádime slædojn dájddasijdan Tránán? Gibttsomtuvrra hávsskes ulmutjij Hamarøyskaftet váren? Oahppat mijá valjes sáme kultuvrrahiståvrå birra julevsáme guovdátjin Árranin? Jali dåssju niektit stoarmov ja sjávodisvuodav aktu allasis, vielggis merragátten Vestasjjiekke guovlluj?

Hábmera suohkan - Hamarøy kommune – Mij lip dáppe - Vi e´her!

#J-18808-Ljbffr

Ready to apply for this position?

Apply directly through the official application portal.